Soos die missie aandui, is Vrystaat-versorging in Aksie daartoe verbind om diegene aan wie hulp verleen word, ook te ontwikkel en bemagtig. Sodoende word hulle in staat gestel om in die toekoms selfstandig te kan funksioneer.

Voorbeelde van ontwikkelings- en bemagtigingsprogramme is:

Voorbereiding vir aftrede

Voorbereiding op aftrede: Dit is noodsaaklik dat persone betyds moet beplan vir hul aftrede. Hierdie programme word dus aangebied aan persone bo 45. Dit dek terreine soos finansies, emosionele en sosiale funksionering, godsdiens, vryetydsbesteding en gesondheid

Voorkoming van alkohol- en dwelmmisbruik: Die program is veral gerig op tieners. ‘n Video asook hulpmiddels soos vraelyste en inligtingspamflette word benut om tieners bewus te maak van die gevare van alkohol- en dwelmmisbruik.

Ekonomiese bemagtiging van vroue: Maatskaplike werkers van Vrystaat-versorging in Aksie het die program ontwikikel om vroue uit agtergeblewe gemeenskappe ekonomies te bemagtig. Inligting word verskaf oor aspekte soos begroting, ekonomiese maaltye, benutting van bankdienste ens.
 

Bestuursvaardighede

Hierdie program bied opleiding oor basiese bestuursvaardighede.

Voorkoming van MIV/VIGS

Voorkomingsprogramme wat aangebied word vir verskeie teikengroepe soos kleuters, skoolkinders, jeugdiges en volwassenes

Vroue-reik-uit-programme

Met hierdie program word beoog om die vaardighede ten opsigte van kinderopvoeding en huisbestuur te optimaliseer.

Bemagtiging van vroue wat slagoffers is van gesinsgeweld

Hierdie program word deur maatskaplike werkers benut om vroue wat vasgevang is in ‘n geweldsituasie, meer weerbaar te maak en hul in staat te stel om uit die omstandighede te ontsnap.

Kontak ons vir meer inligting