Welkom... Dankie dat jy ons webwerf besoek. Hier op die Tuisblad sal jy 'n kort opsomming kry van al die aktiwiteite waarby Vrystaat-versorging in Aksie betrokke is. Spandeer gerus 'n bietjie tyd om deur ons webwerf te blaai en moenie huiwer om ons te kontak indien u meer inligting verlang nie.   Maatskaplikewerkdienste - Die Kernbesigheid Die beskerming en beveiliging van kinders, die opvoeding van die jeug asook die opheffing en bemagtiging van gesinne, vorm die kernbesigheid van Vrystyaat-versorging in Aksie. As gesinsorgorganisasie lê die passie van personeel en vrywilligers wat op hierdie diensterrein werk, juis daarin om ‘n veiligheidsnet vir kinders te skep en om ouers en versorgers maksimaal vir hul taak toe te rus. Lees meer.. Ontwikkeling en bemagtiging Soos die missie aandui, is Vrystaat-versorging in Aksie daartoe verbind om diegene aan wie hulp verleen word, ook te ontwikkel en bemagtig. Sodoende word hulle in staat gestel om in die toekoms selfstandig te kan funksioneer. Ontwikkelings- en bemagtigingsprogramme word deur maatskaplike werkers, hulpwerkers en vrywilligers aangebied. Altesaam 27 484 persone is in 2009 deur middel van hierdie programme bereik. Lees meer... Noodleniging & Armoedeverligting Noodleniging en armoedeverligting is 100-jaar later, steeds ‘n prioriteit by Vrystaat-versorging in Akie. Maatskaplike noodleniging word gebied in die vorm van kospakkies, die bedryf van sopkombuise en die voorsiening van klere en komberse aan behoeftige persone. Gedurende 2007 is maatskaplike noodhulp aan 28,090 persone verleen. Lees meer... Heenkome aan bejaardes Die versorging van bejaardes is ‘n belangrike komponent van dienslewering van Vrystaat-versorging en vind op vier vlakke plaas. Dienste word eerstens deur maatskaplike werkers aan bejaardes met maatskaplike probleme gelewer. Lees meer... Dagsorg vir kinders Die eerste sewe jaar, is die belangrikste ontwikkelingsjare van ‘n persoon en plaas Vrystaat-versorging in Aksie dus ‘n hoë premie op die vroeë ontwikkeling van kinders. 19 preprimêr-cum-kleuterskole en crèches word vir dié doel bedryf en ‘n totaal van 1016 kinders word daagliks hier versorg. Lees meer... Ouerleiding Vrystaat-versorging in Aksie bied reeds vir 30 jaar ouerleidingsprogramme aan waardeur ouers se ouerskapvaardighede versterk word. Vir die doel word gebruik gemaak van ouerleidinglesings wat deur kundiges opgestel is. Uittreksels uit die lesings verskyn daagliks in Volksblad onder die opskrif “Jy en Jou Kind”. Hierdie uittreksels het soveel byval by die publiek gevind dat dit in boekvorm saamgevoeg is en verkoop word. Lees meer... Mentorskap As gevestigde en erkende welsynsorganisasie is Vrystaat-versorging in Aksie hoofbestuur en sommige dienste vir geruime tyd ook gemoeid met die bemagtiging van ontwikkelende gemeenskaps- en nie-regeringsorganisasies. Hierdie bemagtiging behels onder meer dat die instansies bestuursopleiding ontvang en geleer word hoe om finansies te hanteer asook om hulle optimale vlak van funksionering te bereik. Lees meer... Werknemerbystandsprogramme Vrystaat-versorging in Aksie het onlangs ‘n nuwe terrein betree deurdat die organisasie betrokke geraak het by bystandsprogramme vir werknemers van firmas in die korporatiewe sektor. Die inisiatief is ‘n uitvloeisel van ‘n behoefte van die organisasie om waarde toe te voeg tot firmas wat Vrystaat-versorging in Aksie finansieel ondersteun het. Tans word die diens aangebied aan twee firmas in Bloemfontein. Lees meer... Kontak ons vir meer inligting